下午四時多, 完成一天的外展到診, 回到辦公室準備處理一些文書的工作。
別以為醫生只需要在病房、門診或老人院為病人診症, 其實我們還有很多其他事務需要處理: 撰寫醫療報告、篩選病友檢查報告、填寫社署傷殘津貼評刻表、編排新轉介病人的覆診期等等, 都花上不小時間。
走到影印機旁邊, 護士長 R 正在拿着一張多謝咭準備影印。護士長 R很資深, 是我們老人科外展隊晚期治療計劃的主力同事。
「Dr S, 你睇吓, 你都睇過佢㗎, 婆婆走咗, 佢個女登特寫嚟多謝我地㗎。個女都有提去你。」護士長 R 對我說。
「名真係唔記得, 哈哈！」我望望多謝咭上的病友名子說。我承認, 記病友名子並不是我的強項。
「做咗好多次 ERCP 個個呢, 係L 老人家個個呀。你同個女傾 ACP 㗎呢。」護士長 R 提醒我。
ERCP, 膽管鏡是也。
「哦, 有啲印象, 有次佢唔舒服, 我地特登上咗去睇佢成日膽管炎個個婆婆。」這鈎起了我的一點回憶。
長者在人生晚期的需要, 當然與年輕時有所不同, 入侵性高、風險大的檢查和治療, 未必對他們最好。 話說我們醫院幾年開始了晚期治療計劃, 為一些身體衰弱的年長病友提供最切合他們需要的治療方案, 並為老人院作出照顧支援, 務求令長者在晚期得到最舒適的生活。我們亦會跟病友家屬討論臨終時的安排, 在是否急救這個問題上取得共識, 避免長者承受不必要的苦。ACP advance care planning 就是討論這個照顧計劃的過程。
婆婆幾年前身體開始衰弱, 曾多次膽管發炎入院食量變小
「我都收到張咭呀, 你睇。。。話多謝我地一路以嚟照顧婆婆。」護士 Y 走了過來跟我說: 「呀女有話記得你㗎。」
「咁咪好囉, 呀女又滿意。」我繼續說: 「嘩, 其實都幾年囉。」
「係呀, 其實婆婆呢幾年 keep 得好好呀。兩個女又好呢, 輪流分兩間成日係老人院睇住呀媽。唔係佢地睇得咁好, 可能又無咁多年呢。」護士長 R 說。
「咁又係呀, 始終自己呀媽緊係着緊啲照顧得好啲。」我說。
所以, 別怪責誰跟誰, 沒有做這樣和那樣; 試想想自己在照顧家中老友記時, 究竟又付出了幾多。
Search